Velkomin í höfuðstöðina

Höfuðstöðin er lista og menningarhús stofnað af listamanninum Hrafnhildi Arnardóttur / Shoplifter og Lilju Baldursdóttur listrænum framleiðanda. Verkefnið er styrkt af fjölda fólks og safnaði 13 milljónum á fjáröflunarsíðunni Kickstarter en annars fjármögnuðu þær verkefnið upp á eigin spýtur. Í Höfuðstöðinni hefur innsetning Hrafnhildar, Chromo Sapiens, fengið aðsetur til frambúðar en verkið var framlag Íslands á Feneyjartvíæringnum 2019. Innsetningin hefur vakið mikla athygli og hlotið lof fyrir áhrifaríka upplifun þar sem marglitað gervihár og hljóðmynd hljómsveitarinnar HAM leiðir gesti í gegnum þrjú ólík rými sem umlykja viðstadda í mynd- og hljóðrænum samruna. Hrafnhildur er fyrsta íslenska konan til að opna menningarsetur fyrir myndlist sína.